ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာအတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည်သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာမေးပါ။
• အီးမေးလ် အခက်အခဲရှိလို့ Facebook message မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• Facebook Comment ကနေမေးတာ-ဖြေတာ အဆင်မပြေပါ။
စာရှည်ရေးမရပါ။ သူများတွေကို အနှောင့်အယှက်ဖြစ်နိုင်ပါတယ်။
• နာမ်စားသုံးတာမှာ ကိုယ်ကိုယ်ကို ‘သား’၊ ‘သမီး’ လို့ သုံးရင် မေးတဲ့သူရဲ့ သားသမီးလား ထင်မှတ်မှားနိုင်တာသတိပြုပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။ ကျွန်တော့်မှာ Viber မရှိပါ။ ဖေ့စ်ဘွတ် ဖုန်း-ဗီဒီယို အဆင်မပြေပါ။ Skype ကိုတော့ နိုင်ငံရေးနဲ့ မိသားစုအတွက်သာသုံးပါတယ်။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Friday, February 17, 2012

Fungal infections (2) မှိုအမျိုးမျိုး ဆေးအမျိုးမျိုး (၂)

4 Oct 10, 16:47
Q 1: မှက္ခရု ဆိုတာ ဘယ်လိုပုံစံလဲ သိပါရစေ။
Jan 10, 2011 at 5:36 AM
Q 2: အမျိုးသမီး (၃၁ နှစ်)။ ပြည်ပမှာဆိုတော့ ရောဂါ ဖြစ်လို့ ဆေးခန်း သွားရင် သေချာ မပြောပြတတ်တော့ မသက်သာဘူး။ စဖြစ်တာက လက်သည်းရဲ့ ထိပ်ပိုင်းဘေး တဖက်စီမှာ လက်စွယ် ငုတ်သလို ဖြစ်နေတော့ ခွာထုတ်တာ၊ အပေါက်တွေက ချိုင့်ခွက်လေးလို ဖြစ်နေတာ။ ခုဆို လက် ၅ ချောင်းလုံးပဲ။ လက်သည်း ပိုးများလား မသိဘူးတဲ့။ ခွာနေတုန်းကတော့ သွေးကြောအမျှဉ်လေးလို နီနီလေးတွေ့လို့ ခွာထုတ် တိုင်းလဲ ပြန်ပေါ်လာတယ်တဲ့။ ပေးတဲ့ ဆေးနဲ့လဲ မသက်သာတော့ ကြားဖူးနားဝ ဖယောင်း စက်ချပြီး လုပ်ကြည့်တော့လဲ မသက်သာပါဘူး။

မှက္ခရုနာ Thrush (Oral candidiasis)
နို့တိုက်အရွယ် ကလေးငယ်တွေမှာ လျှာ၊ အာခေါင်၊ ပါးစောင်တွေမယ် အဖြူဖတ်တွေ ဖြစ်ပြီး၊ ဘေးက နီနေတယ်။ နာတယ်၊ နို့စို့၊ အစာစားရ ခက်တယ်။ Moniliasis လို့လဲ ခေါ်တယ်။ ကလေးရဲ့ လျှာကို အဝတ်သန့်သန့်လေးကို လက်ညှိုးမှာပါတ်ပြီး အဖြူဖတ်တွေ ရှင်းပေးပါ။ Gentian Violet ဆေးပြာ လိမ်းပေးလို့ ရတယ်။ မိခင်နို့ကို အမြဲ သန့်နေပါစေ။ လိုအပ်ရင် Nystatin Oral Suspension 4-6 mL တနေ့ ၄ ကြိမ်တိုက်ပါ။ Fungus မှိုတမျိုးကနေ ဖြစ်တယ်။ Fungus ရောဂါတွေကို Mycosis လို့လဲ ခေါ်ပြန်တယ်။

မှို အမျိုးအစားတွေ အများကြီးဘဲ။ ခန္ဓာကိုယ်အပြင်မှာ နေရာကနေ ကိုယ်ထဲ ဝင်လာမယ်။ ပူလောင် စိုစွပ်ရာ နေရာတွေမှာ ပေါက်ပွါးတတ်တယ်။ အရေပြား အရေး-အကြောင်း ရှိရာတွေမှာ ဖြစ်တတ်တယ်။ အတွင်းခံဝတ်တဲ့ နေရာမှာ ရောဂါရရင် Diaper candidiasis ခေါ်တယ်။ လက်သည်းမှာ ဖြစ်ရင် ကြာကြာကုရတယ်။

ကင်ဆာဆေး၊ စတီရွိုက်ဆေး၊ ပဋိဇီဝဆေး ပေးနေရင်း မှိုရောဂါ ဖြစ်တတ်တယ်။ ဘက်တီးရီးယားပိုး ဝင်နေတဲ့ အခါမျိုးမှာ စတီရွိုက်ပါတဲ့ မျက်စဉ်း ခတ်မိရင် မှိုရောဂါ နောက်ဆက်တွဲ ဖြစ်နိုင်တယ်။ ကိုယ်ဝန်ဆောင်၊ သွေးဆုံး၊ ဆီးချိုနဲ့လဲ တွဲတတ်တယ်။ ဆီးပိုက် စတာမျိုး တပ်ထားရသူတွေမှာ မှိုရောဂါဝင်လာတတ်တယ်။ Fluconazole 100 mg/d ဒါမှမဟုတ် Itraconazole 200 mg/d ဆေး ၁ဝ-၁၄ ရက် ပေးတယ်။ AIDS နဲ့ လူကီးမီးယားနဲ့လဲ တွဲဖြစ်တတ်တယ်။ အစာမြိုပြွန်မှာ လာဖြစ်မယ်။ အစာမြိုရင်-ရေမြိုရင် နာမယ်။ အောက် ဆက်ဆင်းရင် ပျို့-အန်ဖြစ်မယ်။ ရေ-ဆား ခမ်းခြောက်တာ ဖြစ်လာမယ်။ ရင်ညွန့်ရိုး အောက်က နာမယ်။

မှိုက သွေးထဲ ရောက်ရာကနေ အထဲအင်္ဂါတွေမှာ ရောဂါရစေနိုင်တယ်။ မျက်နှာ၊ နား-နှာခေါင်း-လည်ချောင်း၊ ဦးနှောက်၊ နှလုံးသား၊ ဆိုးဝါးတဲ့ မှိုရောဂါကို ဆေးအပြင်းတွေပေး၊ ဆေးရုံတက် ကုရတာမို့ ဆေးနည်းတွေ မရေးတော့ပါ။ (၄၅%) အသက် အန္ကရာယ် ထိခိုက်နိုင်တယ်။

Yeast (Candida) (ရိစ်) (ကင်ဒီဒါ) မှို
ဒီမှိုက လူတွေရဲ့ ပါးစပ် နဲ့ (ဗဂျိုင်းနား) မှာ ရှိနေတဲ့အကောင်။ ဒါ့ကြောင့် မွေးလမ်းကြောင်းမှာ ဒီမှိုကြောင့်ရတဲ့ရောဂါကို STD လိင်ကတဆင့် ကူးစက်ရောဂါလို့ မသတ်မှတ်ဘူး။ အမျိုးသမီးတွေမှာ တသက်မှာ အနဲဆုံးတခါ Vulvovaginal Candidiasis (Vaginal yeast infections) ဖြစ်သူပေါင်း 75% ရှိတယ်။ (ဗဂျိုင်းနား) ရောင်တာထဲမှာ ဒုတိယ အများဆုံး။ ယားမယ်၊ အဖြူဆင်းမယ်၊ ဒိန်ခဲလို အဖတ်အဖတ်တွေ ဖြစ်တတ်တယ်။ လိင်ဆက်ဆံတဲ့အခါ နာမယ်။ ဖြစ်တတ်လွန်းလို့ ဆေးနည်းပါ ရေးပါမယ်။
• Clotrimazole Vaginal suppositories မွေးလမ်းထည့်ဆေး 100 mg ၆ ည၊ 200 mg ၃ ည။
• Miconazole ointment or 2% cream or 100-200 mg suppository မွေးလမ်းထည့်ဆေး၊ ၃ ည။
• Nystatin 100,000 units vaginal tablets မွေးလမ်းထည့်ဆေး ၁၄ ရက်။
• Fluconazole 150 mg ပြန်ပြန်ဖြစ်နေသူတွေကို တပါတ်တခါ ပေးတယ်။

မှိုနဲ့ ဆက်စပ်နေတာက ပွေးရောဂါတွေ ဖြစ်ပါတယ်။ ခြုံမိအောင် နောက်ဆုံးပေါ်ရော ဆေးမြီးတိုပါ သိအောင်လို့ တခြား ဆရာသမားတွေ အာဘော်လေး နှစ်ခု ထည့်ပါရစေ။

“ကြက်သွန်နီ ဥသေးတစ်လုံးကို အခွံနွာပြီး ညက်အောင် ထောင်းပါ။ ပြီးရင် ကြွေပုဂံလုံးထဲ ထည့်ပြီး သံပရာသီး တစ်လုံးကို အရည်ညစ်ချလို့ ရောဖျော်ပါ။ ပွေးကွက်၊ ညှင်းကွက်၊ တင်းတိတ်ကွက်၊ ဝက်ခြံဖုကို တစ်နေ့ နှစ်ကြိမ် လိမ်းပေးပါ။ ညပိုင်းမှာ မျက်နာကို ရေနွေးနဲ့ သန့်စင်ပြီး သနပ်ခါးအမြစ် လိမ်းပြီး အိပ်ပါ။ ငါးရက်လောက် ဆက်တိုက်လုပ်ရင် သင့်မျက်နာဟာ ကြည်လင် ရှင်းသန့်ပြီး ကျက်သရေရှိစွာ လှပနေပါလိမ့်မယ်။”

“အနားထူတဲ့ ပွေးကွက်ကလေး၊ အရေပြားကို ဒုက္ခပေး၊ ဆေးမြီးတိုနဲ့ ပျောက်သယောင်၊ တကယ်ကျတော့ မလွယ်ပေါင်၊” “ဒက်ကုတ်ရင်လည်း လက်သည်းပျက်၊ ဆေးကု-ငွေကုန် အလုပ်ပျက်၊” “ဓါး မသန့်ရင် ကိုရင်များ၊ သင်တုန်းဓါးနဲ့ ပွေးတွေပွား၊” “မထိတထိ ဆေးကုရင်၊ တစ်ကယ်ကုတော့ မပျောက်ချင်၊ စနစ်တကျ ကုမှသာ၊ ပွေး-ဒက် ရောဂါ ပျောက်တော့မှာ။”

Tinea Cruris (Jock Itch) ပွေးတမျိုး
“မိုးတောင်က၊ ပွေးပေါင်က” ဆိုသလို တင်ပါးနဲ့ ပေါင်ခြံမှာ အဖြစ်များတယ်။
• Miconazole nitrate ဆေးမှုံ့၊ Terbinafine cream ၇ ရက် လိမ်းတာနဲ့ ၈ဝ% မက ပျောက်တယ်။
• Griseofulvin 250–500 mg စားဆေး တနေ့ ၂ ကြိမ် ၁-၂ ပါတ်နဲ့ ပျောက်တယ်။
• Itraconazole 200 mg daily or Terbinafine 250 mg daily နဲ့လဲ ရတယ်။

Tinea Corporis or Tinea Circinata (Ringworm) ပွေး
• Miconazole, Clotrimazole, Butenafine နဲ့ Terbinafine လိမ်းဆေး။ အမြင်အရ ပျောက်သွားတဲ့နောက် ၁-၂ ပါတ် အထိ ဆေးပေးပါ။
• Griseofulvin 250–500 mg ကို တရက် ၂ ကြိမ်။ Itraconazole 200 mg daily ၁ ပါတ်၊ Terbinafine 250 mg daily ၁ လ၊ Griseofulvin က အရေပြားမှာ ဖြစ်တဲ့ မှိုရောဂါတွေအတွက် အကောင်းဆုံးဖြစ်တယ်။ ဦးရေခွံနဲ့ လက်သည်း ဖြစ်ရင်တော့ မရဘူး။
• Fluconazole က Mucocutaneous Candidiasis အတွက် အကောင်းဆုံးပါ။ (Fluconazole 50-400 mg daily ဖြစ်တဲ့နေရာကိုလိုက်ပေးရတယ်။ အပြင်ကမြင်ရတာတွေ ပျောက်ပေမဲ့ နောက်ထပ် ၁-၂ ပါတ်ကြာတဲ့အထိ ဆေးဆက်ပေးရမယ်။ Esophageal Candida အစာမြိုပြွန်မှာဖြစ်ရင် ၄ ပါတ်ကြာအောင်ပေးရမယ်။ Cryptococcal meningitis ဦးနှောက်မှေးရောင်တာဆိုရင် ၁၀-၁၂ ပါတ်ကြာမယ်။)
• Ketoconazole က တလကျော်ပေးရင် အသဲကို ထိခိုက်နိုင်တာမို့ Tinea Versicolor ကလွဲရင် မပေးတော့ပါ။

Tinea Versicolor (Pityriasis Versicolor) ညှင်း
• Malassezia furfur ကြောင့်ဖြစ်ပြီး၊ အဖြူ-ပန်းရောင် ကတ္တီပါလို နူးညံ့တယ်။ ခန္ဓာကိုယ် အပေါ်ပိုင်းမှာ ဖြစ်တယ်။
• Selenium sulfide 2.5% lotion or Shampoo လိမ်းဆေး ၇-၁၄ ရက် လိမ်းပါ။
• Ketoconazole shampoo 1% or 2% လဲ ထပ်မဖြစ်အောင် ၃ပါတ်ကြာအောင် လိမ်းပါ။
• Ketoconazole 200 mg daily orally for 1 week or 400 mg as a single oral dose စားဆေးပေးပါ။
• Clotrimazole 1% solution တနေ့တခါ တပါတ်ကြာလိမ်းပါ။
• Terbinafine 1% solution တနေ့နှစ်ခါ တပါတ်ကြာလိမ်းပါ။
• Fluconazole 150-300-400 mg ကို ၂ ပါတ်ခြားပြီး ၂ ခါပေးတာနဲ့ ထိရောက်တယ်။
• Itraconazole 200-400 mg တရက်ခြား ၇ ရက်သောက်ပါ။
• Hydrogen peroxide ဆေးရည်လိမ်းနိုင်တယ်။

Tinea Manuum & Tinea Pedis (Athlete's Foot) အားကစားသမား ခြေထောက်
• Aluminum subacetate ဆေးရည်ထဲမှာ မိနစ် ၂ဝ တနေ့ ၂ ကြိမ် စိမ်ပါ။
• Imidazoles or Ciclopirox ဆေးလိမ်းပါ။
• Urea 10–20% lotion or cream ပါလိမ်းရင် ပိုမြန်တယ်။
• ဆိုးရင်၊ ပြန်ဖြစ်ရင် Griseofulvin 250–500 mg စားဆေး တနေ့ ၂ ကြိမ်ပါ ပေးပါ။
• Itraconazole 200 mg daily for 2 weeks or 400 mg daily for 1 week or Terbinafine 250 mg daily for 2–4 weeks လဲရတယ်။

Intraconazole မှိုရောဂါအတွက်ဆေး
• Vaginal Yeast infections (Thrush) မွေးလမ်းကြောင်းမှို = 200 mg တနေ့ ၂ ကြိမ်၊ ၇ ရက်။
• Shin fungus infection ခြေသလုံးရှေ့ အရေပြားမှို = 200 mg တနေ့ ၁ ကြိမ်၊ ၇ ရက်။
• Infections of nails လက်သည်း-ခြေသည်းမှို = 200 mg တနေ့ ၁ ကြိမ်၊ ၃ လ။
• Candidia infections of mouth, throat and oesophagus ပါးစပ်-ခံတွင်း-အစာမြိုပြွန်မှို = 100 mg တနေ့ ၁ ကြိမ်၊ ၁၅ ရက်။

ဆေးပညာစာတွေကို မြန်မာလိုရေးတော့ ဝေါဟာရ တိကျတာ ဘာသာပြန်ပြီးသား ရှားသေးတာ တွေ့ရတယ်။ အတိအကျ မရရင် နီးစပ်တာ ရှာရတယ်။ ကျွန်တော်တို့ လူမျိုးက “ရောကော-သောကော” လုပ်လေ့ရှိကြတယ်။ “ပွေးညှင်း” လို့ ပြောတာက ကုသရတာ မတူတဲ့ ရောဂါနှစ်မျိုး ပေါင်းပေးထားတာပါ။ “ပွေးစုန့်နာ” ဆိုတာကို ကျွန်တော်လို ဆရာဝန် နားမလယ်ပါ။ ကိုယ့်လူမျိုးသာ မဟုတ်ပါဘူး၊ သူများတွေလဲ လက်ညှိုးထိုး မလွတ်ဘူး။ ပွေးကို Ringworm ခေါ်တယ် မဟုတ်လား။ Worm ဆိုတဲ့ သန်ကောင်နဲ့ ဘာမှ မဆိုင်ဘူး။

Nail fungal infection လက်သည်းမှို
လက်သည်း-ခြေသည်းကို မှိုဝင်လာရင် အစမှာတော့ ဖြူ-ဝါဝါ အစက်အပျောက်လေး ဖြစ်လာပြီး နောက်တော့ အောက်ထဲ ဝင်လာလို့ အရောင်ပြောင်းလာ၊ ထူလာ၊ ကျွတ်ဆတ်လာ၊ ပုံပြောင်းလာမယ်။ ကုရတာ မလွယ်လှပါ။ ခြေသည်း-လက်သည်း ကြွတက်လာတဲ့ အဆင့်ရောက်ရင် Onychomycosis လို့ ဆေးစာက ခေါ်တယ်။ နာလာ၊ အနံ့ပါရလာပြီ။ သေခြာမကုရင် တသက်လုံးလို့ ပြောရမလိုနေမယ်။

Fungus မှိုပိုးဆိုတာ မျက်စိနဲ့ မမြင်ရဘူး။ စိုထိုင်းတာ ကြိုက်တယ်။ ကိုယ့်မှာ အပေါက်-အပြဲ၊ အကွဲ-အရှ ရှိလာမှ အထဲ ဝင်လာတာ။ သူနဲ့ဆင်တဲ့ Yeasts တို့ Molds တို့ကနေလဲ ရောဂါဖြစ်ပါတယ်။ ချွေးထွက်များသူ၊ ယောက်ျား၊ အသက် မငယ်သူ၊ စိုထိုင်းတဲ့ အလုပ်လုပ်ရသူ၊ ခြေအိတ်-လက်အိတ် အမြဲ ဝတ်ထားရသူ၊ ဘာမှမစီးဘဲ လမ်းသွားရသူ၊ ဆီးချို ရှိသူတွေမှာ အဖြစ်များတယ်။ Leukemia, AIDS နဲ့ အင်္ဂါအစားထိုး ထားရသူတွေမှာလဲ ပိုဖြစ်တတ်တယ်။

Terbinafine, Fluconazole and Itraconazole စားဆေးတွေ ပေးတယ်။
• Terbinafine (Lamisil) စားဆေး 250 mg ကို တနေ့ ၁ လုံး၊ ဖြစ်ခဲ့တာ ကြာကြာသလို သောက်ရမယ်။ ဥပမာ ၆ ပါတ်။ ဘေးထွက်ဆိုးကျိုးတွေက ဝမ်းပျက်၊ ယား၊ အစာမကျေ၊ အနီပြင်ထွက်၊ အစားပျက်။
• Fluconazole (Diflucan) စားဆေးကို 150 mg တနေ့ ၁ လုံး၊ ဖြစ်ခဲ့တာ ကြာကြာသလို သောက်ရမယ်။ ဥပမာ ၆ ပါတ်။ ဘေးထွက်ဆိုးကျိုးတွေက ခေါင်းကိုက်၊ မူး၊ ဝမ်းပျက်၊ ယား၊ အစာမကျေ၊ အစားပျက်။
• Itraconazole (Sporanox) စားဆေးကို 200-400 mg တနေ့ ၁ ကြိမ်၊ ၂ ခါခွဲသောက်လဲ ရတယ်။ ဖြစ်ခဲ့တာ ကြာကြာသလို သောက်ရမယ်။ ဥပမာ ၆ ပါတ်။ ဘေးထွက်ဆိုးကျိုးတွေက ဝမ်းလျှော-ဝမ်းချုပ်၊ လေထ၊ ခေါင်းကိုက်၊ မူး၊ ယား၊ အစာမကျေ၊ ပါးစပ်နာ၊ သွးဖုံး သွေးယို၊ ချွေးထွက်၊ ကြွက်သားနာ၊ အတူနေခြင်စိတ်နည်း၊ စိတ်ကျ၊ နှာစေး၊ အိပ်မက်မက်။

မှိုအပြင် ဗက်တီးရီးယား ဝင်တာ ရှိနေရင်လဲ နောက်ဆေး ပေးရမယ်။ Ciclopirox (Penlac) ဆိုတဲ့ Antifungal nail polish ကိုလဲ သုံးနိုင်တယ်။ လိမ်းဆေး တခုထဲနဲ့ မရတတ်ပါ။ စားဆေးနဲ့ တွဲတာ ကောင်းတယ်။ သိပ်ဆိုးရင် ဖြစ်တဲ့ လက်သည်း-ခြေသည်း ခွဲထုတ်ရတယ်။ Laser လေဆာနည်း၊ Photodynamic therapy အလင်းရောင်ပေးကုနည်းတွေလဲ ရှိတယ်။

အိမ်မှာတင် လုပ်လို့ရတာတွေလည်း ရှိတယ်။ Vinegar (ဗနီဂါ) ၁ ဆ၊ ရေ ၂ ဆ ထဲမှာ ၁၅-၂ဝ မိနစ်ကြာ၊ တပါတ်မှာ ၃ ကြိမ် စိမ်ထားရမယ်။ Vicks VapoRub ကိုလဲ လိမ်းလို့ရတယ်။

ခြေသည်း-လက်သည်း တိုတိုထားပါ။ ခြောက်သွေ့နေပါစေ၊ တကိုယ်ရေ-သန့်ရှင်းရေး လုပ်ပါ။ စိုတဲ့အလုပ်မှာ ရာဘာ လက်အိတ်-ခြေအိတ်သုံးပါ။ သင့်တော်တဲ့ ခြေအိတ်ရွေးသုံးပါ။ ချွေးထွက်များရင် လဲပါ။ ဖိနပ်မပါဘဲ လမ်းမသွားပါနဲ့။ Manicure and Pedicure salon လက်သည်း-ခြေသည်း အလှပြင်ဆိုင်သွားရင် နာမည်ရတဲ့ဆိုင်သာ သွားပါ။ Nail polish and artificial nails အလှလုပ်တာ၊ အတုလုပ်တာတွေ ရှောင်ပါ။

Dr. တင့်ဆွေ
၆-၁ဝ-၂ဝ၁ဝ
၁ဝ-၁-၂ဝ၁၁

Wed, Jan 16, 2013 at 12:37 AM
ကျနော့်နာမည်က နို(့) လို့ခေါ်ပါတယ်။ အသက်က ၃၂ နှစ်ပါခင်ဗျာ။ ကျနော့်မှာ အရေပြားနဲ့ပတ်သက်တဲ့ရောဂါတခု ခံစားနေရလို့ ကူညီပါအုံး။ ဖြစ်ပုံက ကျနော့်ရဲ့မျက်ခုံးနှစ်ခုရဲ့ကြားမှာ အရေပြားခြောက်ပြီးလန်သလိုမျိုး အရေပြားလန်တာကစတာပါ။ ကျနော်က ပွေးပေါက်တယ်ထင်လို့ မြွေနှစ်ကောင်ပွေးသတ်ဆေးသုံးလိုက်တယ်ဆရာ။ မပျောက်ဘူး။ အဲဒါနဲ့ SKINEAL ဆိုတဲ့ လိမ်းဆေးကိုသုံးကြည့် တယ်ဆရာ။ သက်သာတယ်။ ဒါပေမယ့် ဆေးမလိမ်းပဲနဲ့နေရင် ပြန်ဖြစ်တယ်။ အခုဆိုရင် ကျနော့်ရဲ့ နှာခေါင်းအပေါ်က အချိုင့်လေးနှစ်ဘက်ကိုရောက်လာတယ်။ နောက်ပြီး နားရွက်နှစ်ဘက်ရဲ့နောက် ဦးခေါင်းပေါ်အထိ ကူးလာတယ်။ ဖြစ်တာကတော့ ၆လ လောက်ရှိပြီ။ အဲဒါလေးတွေက ပွေးလိုအကွက်တွေဖြစ်တာခင်ဗျ။ ပြည်တည်ပြီး အနာလိုဖြစ်နေတာတော့မဟုတ်ဘူး။ ခေါင်းကိုကုတ်လိုက်ရင် ဘောက်ထသလိုမျိုး အရေပြားလေးတွေကွာတယ်။ အဲဒါကျနော်ဘယ်လိုလုပ်ရမလဲဆရာ။ကူညီပါအုံး။ ကျနော်အခု (့) မှာ အလုပ်လုပ်နေရတာ။ မြန်မာနိုင်ငံမှာဆိုရင်တော့ မြန်မာလိုပြောပြီးတော့ ဆရာဝန်ပြလို့ရနိုင်ပေမယ့် ဒီမှာကကျနော်လည်းမလေးရှားစကားကို ရည်ရည်လည်လည်း မပြောတတ်တော့ ခက်နေတာဆရာ။ ရန်ကုန်ပြန်ပြီ ကုရအောင်ကလည်း ကျနော်ပြန်ရင် အမေနဲ့ညီလေးတွေရဲ့စားဝတ်နေရေးကရှိသေးတယ်။ ကျနော်က မိသားစုမှာ အကိုအကြီးဆုံးလေ။ ရောဂါနဲ့ပတ်သက်လို့ ဘာလုပ်သင့်တယ် ဘာတွေရှောင်သင့်တယ် ဘယ်လိုဆေးမျိုးသုံးသင့်တယ်ဆိုတာ ကူညီပါအုံး။

ဖန်းဂတ်စ် (မှို) ပိုးကြောင့်ဖြစ်ဘို့များတယ်။ မြန်မာဆေးကို မသုံးစေချင်ပါ။ မျက်နှာမှာလဲ ဖြစ်နေတော့ အဆင်မသင့်ရင် အရုပ်ဆိုးစေနိုင်တယ်။
SKINEAL ဆေးက မှို အတွက်မှန်ပါတယ်။ တရုတ်ကလာတာဆိုရင် အရေပြားမှာဖြစ်တဲ့ Eczema, Seborrheic Dermatitis, Ringworm, Athletes Foot, Ithy Skin တွေအတွက်သုံးရတယ်။ ketoconazole, clobetasol propionate and neomycin sulfate ဆေးတွေရောထားတာဖြစ်တယ်။
tinea corporis and tinea cruris အတွက် တနေ့ ၂ ကြိမ်၊ ၂ ပါတ်ကြာ နဲ့ tinea pedis and tinea manus အတွက် တနေ့ ၂ ကြိမ်၊ ၄ ပါတ် လိမ်းရတယ်။
လိမ်းဆေးသာမက စားဆေးလဲရှိတယ်။ ဖန်းဂတ်အမျိုးမျိုးအတွက်စုပေါင်းရေးထားတဲ့စာ တပုဒ်ပို့လိုက်တယ်။ ကိုယ်နဲ့ဆိုင်တာကိုရှာပြီး လိုအပ်မယ်ထင်ရင် စားဆေး + လိမ်းဆေးသုံးသင့်ပါတယ်။
Fungal infections (1) မှိုအမျိုးမျိုး ဆေးအမျိုးမျိုး (၁)