ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာ အတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည် သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာ မေးပါ။
• အီးမေးလ် အခက်အခဲရှိလို့ Facebook Comment မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://dts-medicaleducation-adult.blogspot.in/ အသက် (၁၈) နှစ်ပြည့်မှဖတ်ပါ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Friday, March 16, 2012

Antioxidants (အင်တီ-အောက်စီဒင့်)

Thu, Mar 15, 2012 at 12:34 AM
အခုတလော ကျန်းမာရေးနဲ့ ဆေးလောကမှာ ခဏခဏပြောနေ၊ ကြားနေရတဲ့ Antioxidant တွေအကြောင်း ပြည့်ပြည့်စုံစုံ၊ မြန်မာလို ရှင်းပြတဲ့ ဆောင်းပါးတစ်ပုဒ်လောက် တင်ပေးပါလားခင်ဗျာ။

Antioxidants (အင်တီ-အောက်စီဒင့်) တွေဆိုတာ အကြမ်းပြောရရင် မကောင်းတာတွေဘေးကနေ (ဆဲလ်) တွေကို အကာကွယ်ပေးနေတဲ့ ဓါတ်တွေ ဖြစ်တယ်။ ဒီနေရာမှာ မကောင်းတာတွေကို Free radicals (ဖရီး-ရက်ဒီကယ်လ်) ခေါ်တယ်။ ကိုယ်ခန္ဓာ ကနေလဲ အစားအစာတွေ ကျေချက်ရာကနေ ရလာတာရှိသလို ဘေးပါတ်ဝန်းကျင်ကနေလဲ လာတယ်။ ဥပမာ မီးခိုးငွေ့၊ ဓါတ်ရောင်ခြည်။ (အင်တီ-အောက်စီဒင့်) တွေကနေ နှလုံးရောဂါ၊ ကင်ဆာ နဲ့ တခြားရောဂါတွေ မရစေနိုင်ဘူး။ အသီးအနှံတွေနဲ့ အသီးအရွက်တွေမှာ ပါနေတယ်။ အစေ့အဆံတွေ၊ အသား-ငါးတွေမှာလဲ ပါတယ်။

(အင်တီ-အောက်စီဒင့်) တွေကို နာမည်နဲ့ပြောရင် Beta-carotene (ဘီတာ-ကယ်ရိုတင်း)၊ Lutein (လူတိန်း)၊ Lycopene (လိုင်ကိုပိန်း)၊ Selenium (ဆလဲနီယမ်)၊ Vitamin A (ဗီတာမင်-အေ)၊ Vitamin C (ဗီတာမင်-စီ) နဲ့ Vitamin E (ဗီတာမင်-အီး) တွေ ဖြစ်ကြတယ်။

လူ့ကိုယ်ခန္ဓာမှာရှိတဲ့ သန်းထောင်ပေါင်းများစွာသော (ဆဲလ်) တွေဟာာ အန္တရာယ်တွေနဲ့ အမြဲရင်ဆိုင်နေကြရတယ်။ အစာအာဟာရ မရတာမျိုးကနေ (ဗိုင်းရပ်စ်) ပိုးတွေဝင်တာ စသဖြင့် ဖြစ်နိုင်နေတယ်။ ဒါတွေက တခါတလေမှ ဖြစ်လာနိုင်ပေမဲ့ အမြဲတန်းရှိတဲ့ အန္တရာယ်ကတော့ (ဖရီး-ရယ်ဒီကယ်လ်) တွေဖြစ်တယ်။ ဒါတွေကြောင့် (ဆဲလ်) တွေကို ပျက်စီး သွားစေနိုင်သလို မျိုးဗီဇ ပြောင်းတာအထိ ဖြစ်စေနိုင်တယ်။ မသင့်တဲ့အစာတွေထဲမှာလဲ (ဖရီး-ရယ်ဒီကယ်လ်) တွေပါနေမယ်။ ကောင်းတဲ့အစာတွေ စားတာမှန်ပေမဲ့လဲ အစာကျေချက်ရာကနေ ထွက်လာတာတွေထဲမှာ ပါတယ်။ လေထဲ၊ နေရာင်ထဲကနေလဲ ရသေးတယ်။

Antioxidants (အင်တီ-အောက်စီဒင့်) လို့ခေါ်တာက သိပ်မတိကျဘူး။ Electron donor (အီလက်ထရွန်) ပေးသူလို့က ပိုမှန်တယ်။ Electron grabbers (အီလက်ထရွန်) ဆုပ်ယူသလိုလုပ်တာလဲ ရှိသေးတယ်။ ၁၉၉ဝ ကျော်လောက်ကစပြီး သိပ္ပံပညာရှင်တွေက သိလာတာပါ။ (ဖရီး-ရယ်ဒီကယ်လ်) တွေနဲ့ ကင်ဆာ၊ မျက်စိ မကောင်းတာ၊ နာတာရှည်ရောဂါတွေနဲ့ ဆိုင်တာကို သိလာရတယ်။ (အင်တီ-အောက်စီဒင့်) ကြွယ်ဝတဲ့ အသီးအနှံတွေကို အစားနည်းသူတွေမှာ အဲဒီရောဂါတွေ ပိုဖြစ်နေကြတာကိုလဲ သိလာရတယ်။ ဒီစာကို ဒီမှာတင်မရပ်ဘဲ ဆက်ဖတ်စေချင်ပါတယ်။

(အင်တီ-အောက်စီဒင့်) တွေဖြစ်ကြတဲ့ Beta-carotene နဲ့ Vitamin E တွေကို တခုချင်းလေ့လာတယ်။ အဖြေရလဒ်တွေ မရခင်ကတည်းကနေ "(အင်တီ-အောက်စီဒင့်) တွေဟာ နှလုံးရောဂါနဲ့ ကင်ဆာကို ခံတိုက်မဲ့လက်နက် ဖြစ်တယ်" လို့ (မီဒီယာ) တွေကနေ ရေးလာတယ်။ ပြောသလောက်၊ ရေးသလောက်၊ ကြော်ညာသလောက်တော့ မဟုတ်ပါ။ စမ်းသပ်မှုတွေရဲ့ အဖြေတွေက ရောထွေးနေပါတယ်။

သုတေသနတချို့က ဘာမှမထူးတာလဲ တွေ့ရတယ်။ တချို့ဆိုရင် မဟုတ်ပါဘူးအထိ ပြောတာလဲရှိတယ်။ ပြောင်းပြန်တောင်ဖြစ်မလား သံသယရှိသေးပြန်တယ်။ ဥပမာ Beta-carotene စားလို့ ဆေးလိပ်သောက်သူတွေမှာ Lung cancer အဆုပ်-ကင်ဆာ ပိုဖြစ်နိုင်တယ်လို့ လေ့လာမှုတခုက ဆိုထားတယ်။ ၁၈ နှစ်ဆက်တိုက် Physicians' Health Study လေ့လာမှုတခု အရတော့ အသင့်အတင့်သာ အကျိုးရစေတယ်လို့ ဆိုတယ်။ ဒါပေမဲ့ ဒေါ်လာသန်း ၅ဝဝ တန်ဘိုးရှိနေတဲ့ စီးပွါးရေး ဈေးကွက်အရ ကြော်ညာတွေနဲ့ ဒါမျိုးတွေ စိုက်ပျိုးတာက ဆက်လက် လုပ်နေရှိနေဆဲ ဖြစ်ပါတယ်။
• ကျန်းမာနေတဲ့ အမျိုးသမီးပေါင်း ၃၉၈၇၆ ယောက်ကို သဘာဝကရတဲ့ (ဗီတာမင်-အီး) 600 IU တရက်ခြား ၁ဝ နှစ်တာ သောက်စေခဲ့တယ်။ တအုပ်စုက ဒါမသောက်ရဘူး။ ဆေးသောက်သူတွေမှာ နှလုံးရောဂါနဲ့ ကင်ဆာအဖြစ်နည်းတယ်လို့ မတွေ့ရပါ။ ဒါပေမဲ့ နှလုံးရောဂါနဲ့ သေဆုံးမှုကတော့ ၂၄% လျော့ကျတယ်။ အကျိုးမယုတ်စေတာတော့ သေခြာတယ်ပေါ့။ တကယ် နှလုံးရောဂါရှိနေသူတွေကို ပေးကြည့်တာလဲ မထူးလှပါ။
• Beta-carotene ကလဲ ထူးမခြားနားဘဲ။ Cancer ကို Antioxidants ကကာင်းစေမယ်ဆိုတာလဲ မရေရာပါ။
• Age-Related Eye Disease အသက်ကြီးလို့ မကောင်းဖြစ်လာတဲ့ မျက်စိဝေဒနာ နဲ့ Antioxidants စမ်းတာမှာတော့ ကောင်းတာလာတွေ့ရတယ်။ ၆ နှစ်တာလေ့လာမှုအရ vitamin C, Vitamin E, Beta-carotene, and Zinc တွဲပေးတာက ဒီရောဂါကာကွယ်ရာမှာ အကျိုးရှိတာ တွေ့ရတယ်။

Potential Hazards ဆိုးတာကော ရှိသလား။
• ဖင်လန်မှာ ဆေးလိပ်သောက်တဲ့ ယောက်ျားတွေကို Beta-carotene ပေးတော့ အဆုပ်-ကင်ဆာ ပိုဖြစ်သလို တွေ့ရတယ်။
• Asbestos (မီးခံပြားလုပ် ပစ္စည်း) နဲ့ ထိတွေ့နေရသူတွေကို Beta-carotene + Vitamin A ပေးတယ်။ အဆုပ်-ကင်ဆာ ပိုဖြစ်နေပြန်တယ်။
• SU.VI.MAX trial စမ်းသပ်မှုမှာလဲ အမျိုးသမီးတွေမှာ Vitamin C, Vitamin E, Beta-carotene, Selenium နဲ့ Zinc ပေးတော့ အရေပြား-ကင်ဆာနဲ့ ဆက်စပ်နေတယ်။

အခြေခံကျတာကိုပြောရရင် နာတာရှည်ရောဂါတွေနဲ့ ကင်ဆာရှိနေသူတွေကို ဒီလိုဆေးမျိုးပေးတာ၊ သောက်စေတာက ရှိနေပြီးရောဂါကို ဘာမှ သက်ရောက်မှု မဖြစ်စေနိုင်ပါ။ သုတေသနတွေကို ကောင်းတယ်ဆိုတာရော မကောင်းလောက်ဘူး ဆိုတာတွေပါ ကံသေကမ္မ ပြောမရသေးပါ။ Antioxidants တွေဟာ Immune System ရောဂါပြီး-စနစ်ကို ကောင်းစေလို့ Super Foods (ဆူပါ-အစာ) ဖြစ်တယ်လို့ရေးတာတွေလဲ ရှိပါတယ်။ Supermarket (ဆူပါ-မားကက်) ကနေ ကြော်ညာတာ ဖြစ်ပါတယ်။ Colds and Flu အအေးမိတာနဲ့ တုပ်ကွေးကို ကောင်းစေတယ်လို့သာ ရေးလို့ မဆိုးလှပါ။ ဒီရောဂါတွေက ဘာဆေးမှမသောက်လဲ အချိန်တန်ရင် ပျောက်မယ်။

• Beta-carotene တွေက Apricots တရုပ်-ဆီးသီး၊ Asparagus ကညွတ်၊ Beets မုံလာဥအမျိုးမျိုး၊ Broccoli မုံလာပွင့်စိမ်း၊ Cantaloupe သခွါးမွှေး၊ Carrots မုံလာဥနီ၊ Corn ပြောင်း၊ Green peppers ငရုပ်ပွ၊ Kale ကိုက်လန့်၊ Mangoes သရက်သီး၊ Turnip ခါကြက်ဥ၊ Collard greens မုံလာစိမ်းတမျိုး၊ Nectarines, Peaches မက်မုံသီး၊ Pumpkin ဖရုံသီး၊ Squash သခွါးသီး၊ Spinach ဟင်းနုနွယ်၊ Sweet potato ကန်စွန်းဥ၊ Tangerines ရှောက်တမျိုး၊ Tomatoes ခရမ်းချဉ်သီး၊ Watermelon ဖရဲသီးတွေမှာပါတယ်။
• Vitamin C က Berries ဘယ်ရီသီး၊ Broccoli မုံလာပွင့်စိမ်း၊ Brussels sprouts မုံလာစိမ်းထုပ်၊ Cantaloupe သခွါးမွှေး၊ Cauliflower မုံလာပွင့်၊ Grapefruit ကဗလာသီး၊ Honeydew သခွါးတမျိုး၊ Kale ကိုက်လန့်၊ Kiwi ကီဝီသီး၊ Mangoes သရက်သီး၊ Nectarines မက်မုံ၊ Orange လိမ်မော်သီး၊ Papaya သင်္ဘောသီး၊ Ted, green or yellow peppers ငရုပ်သီးအမျိုးမျိုး၊ Snow peas တပင်လုံးစားရတဲ့ပဲတမျိုး၊ Sweet potato ကန်စွန်းဥ၊ Strawberries စထော်ဘယ်ရီ၊ Tomatoes ခရမ်းချဉ်သီးတွေမှာ ပါတယ်။
• Vitamin E က Broccoli မုံလာပွင့်စိမ်း၊ Carrots မုံလာဥနီ၊ Mustard မုံညင်း၊ Turnip greens ခါကြက်ဥ၊ Mangoes သရက်သီး၊ Nuts အစေ့အဆံ၊ Papaya သင်္ဘောသီး၊ Pumpkin ဖရုံသီး၊ Red peppers ငရုပ်သီး၊ Spinach ဟင်းနုနွယ်၊ Sunflower seeds နေကြာစေ့တွေမှာ ပါတယ်။
• Zinc က oysters ခရု၊ Red meat, Poultry အသားအမျိုးမျိုး၊ Beans ပဲအမျိုးမျိုး၊ Nuts အစေ့အဆံ၊ Seafood ပင်လယ်စာ၊ Whole grains ဖြူနေအောင် ချွတ်မထားတဲ့အဆံတွေ၊ Dairy products နို့ထွက်အစာတွေမှာ ပါတယ်။
• Selenium က Brazil nuts ဘရာဇီးလ်ပဲ၊ Tuna ကျူနာငါး၊ Beef အမဲသား၊ Poultry ကြက်-ဘဲသား၊ Fortified breads ပေါင်မုံ့တွေမှာ ပါတယ်။

တနေ့တာ လိုအပ်ချက်
• Beta-carotene = 3 - 6 milligrams
• Selenium = 55 micrograms
• Vitamin C = 90 milligrams (ယောက်ျား)၊ 75 milligrams (မိန်းမ)၊
• Vitamin E = 15 milligrams
• Zinc = 11 milligrams (ယောက်ျား)၊ 8 milligrams (မိန်းမ)၊

မြန်မာပြည်မှာ ပညာရပ်ဆိုင်ရာ စာတွေကို အင်္ဂလိပ်လိုကနေ ယူကြရတယ်။ စာလုံးကအစ၊ စာတပုဒ်၊ စာတအုပ်လဲ အဲလိုယူထားတော့ အထင်ကြီးစရာ ဖြစ်တယ်။ ကျန်းမာရေး သတင်းတို့ ဆေးပညာစာတို့ကိုတော့ အင်္ဂလိပ်စာလုံးတွေနဲ့ ညှပ်ရေးတိုင်း အထင်တခွဲသား မထားကြစေချင်ပါ။ ကျွန်တော် ထည့်ရေးတာက သုတအတွက်ရော၊ မှားနေရင် ပြင်ပေးစေချင်လို့ရောအတွက်ပါ။ အဆန်းလေးတွေကို စိတ်ဝင်စားကြတာတော့ မှန်ပါရဲ့၊ ဆန်းတိုင်း သစ်တိုင်း အကောင်းချည်း မဟုတ်ပါ။ ဘက်စုံ-ဒေါင့်စုံ၊ အချိန်ကုန်အောင် လေ့လာထားမှ တကယ်အကျိုးရှိစေမှာ ဖြစ်ပါတယ်။

Dr. တင့်ဆွေ
၁၆-၃-၂ဝ၁၂