ကျန်းမာရေးနဲ့ဆေးပညာ မေးလိုတာရှိပါက

ဒီဘလော့ခ်ထဲကစာတွေကို တခြားနေရာမှာ ကျွန်တော့်ခွင့်ပြုချက်မပါဘဲ ကူးယူပြီး မတင်ဘို့ စည်းကမ်း သတ်မှတ်ထားပါတယ်။

ကျန်းမာရေး နဲ့ ဆေးပညာ မေးလိုတာရှိပါက
• ဖြစ်တဲ့သူရဲ့ အသက်၊ ကျား-မ ပြောပါ။ ရောဂါလက္ခဏာ ၁-၂-၃။ တခုတိုင်းက ဘယ်လောက် ကြာပြီ။
• လိုအပ်ရင် ကျန်းမာရေးရာဇဝင်၊ ဓါတ်မှန်၊ (အာလ်ထွာဆောင်း)၊ ဆေးစစ်ချက်၊ လိုအပ်ရင် အိမ်ထောင်၊ ကလေး၊ ရှိ-မရှိ။ နေတဲ့တိုင်းပြည်၊ မြို့ထည့်ရေးပါ။ လူနာမည်၊ နေရပ်လိပ်စာ အတိအကျ ကိစ္စမရှိပါ။
• ဆေးနာမည်ရေးရင် Trade name ကုမ္ပဏီကပေးတဲ့နာမည် သာမက Generic name ဆေးနာမည် ထည့်ရေးပါ။
• ဆေးစာ၊ ဆေးစစ်ချက်၊ ဝေဒနာတွေကို စကန်လုပ်ပြီးဖြစ်ဖြစ်၊ ဓါတ်ပုံရိုက်လို့ဖြစ်ဖြစ် ပို့နိုင်ပါတယ်။ ဓါတ်ပုံကို ခွင့်မယူဘဲ အသုံးမချပါ။
• အိမ်ထောင်ရေးနဲ့ လိင်ပိုင်းဆိုင်ရာမေးခွန်းတွေကို Facebook ကနေ မမေးပါနဲ့ မဖြေပါ။ တိုက်ရိုက်သာ မေးပါ။
• အီးမေးလ် အခက်အခဲရှိလို့ Facebook Comment မှာဖြစ်ဖြစ် Chat box မှာဖြစ်ဖြစ်ရေးရင်လဲ အားသလား၊ မေးလို့ရလား ရေးမနေဘဲ၊ တခါတည်း မေးခွန်းသာရေးလိုက်ပါ။
• SMS အရေးအသားမျိုးကို မဖတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဘလော့ခ် နဲ့ ဖေ့စ်ဘွတ်မှာ အမေး-အဖြေတွေကိုသုံးတဲ့အခါ မေးတဲ့သူရဲ့ ကိုယ်ရေး အချက်အလက်တွေ မပါစေရပါ။
• ဖုန်းဆက်ပြီးမေးရင် Time zone မတူတာရော၊ အသံထွက် လွဲနိုင်တာရောကြောင့် အဆင်မပြေပါ။
drswe01@gmail.com ကို (အီးမေးလ်) ပို့ပါ။

• (ဘလော့ခ်) တွေထဲ ဝင်ဖတ်ဘို့ အကြံပြုပါတယ်။
- http://dts-medicaleducation.blogspot.in/ ဆေးပညာစာများ
- http://dts-medicaleducation-adult.blogspot.in/ အသက် (၁၈) နှစ်ပြည့်မှဖတ်ပါ ဆေးပညာစာများ
- http://yamuna-online-clinic.blogspot.in ယမုန်နာ ဆေးခန်း
- http://my-sayawun-life.blogspot.in/ ဆရာဝန်ဘဝ အမှတ်ရတာတွေ
- http://dts-political-page.blogspot.in/ နိုင်ငံရေး စာမျက်နှာ
- http://www.facebook.com/pages/Dr-Tint-Swe/490031307758025?skip_nax_wizard=true ဖေ့စ်ဘွတ်

Saturday, March 15, 2014

Cancer Symptoms for Men ယောက်ျား-ကင်ဆာ လက္ခဏာများ

ယောက်ျားတွေမှာ ကင်ဆာ ဖြစ်နေတာ စောစောသိဘို့ လိုအပ်တာ (၁၅) ချက် ရှိပါတယ်။ တချို့ရောဂါလက္စဏာတွေက ယောက်ျားတွေမှာသာ သီးသန့် ခံစားရတာတွေ ဖြစ်တယ်။

No.1 - Breast Mass ရင်သား အကျိတ် စမ်းမိသလား

ယောက်ျားတွေမှာ ရင်သား-ကင်ဆာ မဖြစ်ပါဘူးထင်တာ မမှန်ပါ။ အဖြစ်တော့ မများပါ။ အကျိတ်သာမက အပေါ်ယံ အရေပြား ခွက်နေ-ချိုင့်နေတာ၊ နို့ထိပ်ဖျား အထဲဝင်နေတာ၊ နီရဲပြီး အရေပြား ခြောက်ကွာနေတာ၊ ထိပ်ဖျားက တခုခု ထွက်တာတွေ ရှိနေရင် ဆရာဝန်ပြပါ။

No. 2 - Persistent Pain or Discomfort in Any Body Area ကိုယ်ခန္ခာ တနေရာရာမှာ မပြတ်တမ်း နာနေသလား

လူတိုင်း အသက်ကြီးလာရင် ဟိုကဒီက နာကြမယ်။ နာနေတာ ကြာပြီ၊ ဘာမှန်းမသိဘဲ နာနေရင် ကင်ဆာလား စစ်ပါ။ ကင်ဆာက နာတယ်ဆိုတာ ရှားတော့ ရှားပါတယ်။

No 3. - Changes in the Testicles or Scrotum ကျားအစိ၊ ကပ်ပယ်အိတ်မှာ အပြောင်းအလဲ ရှိလာသလား
Testicular cancer ကျားအစိ-ကင်ဆာက အသက် ၂ဝ နဲ့ ၄ဝ ကြား အဖြစ်များတယ်။ American Cancer Society အမေရိကန် ကင်ဆာ အသင်းက ယောက်ျားတိုင်း ပုံမှန်ဆေးစစ်တာထဲမှာ ဒီနေရာကိုပါ စစ်ဘို့ အကြံပေးထားတယ်။ တချို့ဆရာဝန်တွေကတော့ လတိုင်း ကိုယ့်ဖါသာ စမ်းကြည့်သင့်တယ်လို့ ဆိုပါတယ်။ အရွယ်အစား၊ အကျိတ်၊ လေးလံနေတယ်ထင်တာ သံသယရှိရင် ဆရာဝန်ပြပါ။

No. 4 - Changes in the Lymph Nodes တက်စေ့တွေ ကြီးနေ-ရောင်နေသလား

လည်ပင်းနဲ့ ချိုင်းအောက်က တက်စေ့တွေ ကြီး-နာ-နီ-ပူနေသလား။ တခြားနေရာတွေမှာလဲ အဲလိုဖြစ်နေသလား။ အရင် ရှိနေတာက ပိုကြီးကြီးလာရင်၊ တလနေလို့မှ မပျောက်သေးရင် ဆရာဝန်ဆီပြေးပါ။
No. 5 - High Fever ကိုယ်သိပ်ပူပြီး ဖျားသလား

အပူချိန် > 103 F ကျော် ဖျားတာနဲ့ အဖျား တော်တော်နဲ့ မပျောက်တာဖြစ်နေသလား။ ဘာလို့ ဖျားမှန်းမသိ ဖြစ်နေသလား။ တချို့ကင်ဆာတွေက ဖျားတတ်တယ်။ ဥပမာ Lymphoma (လင်ဖိုးမား) နဲ့ Leukemia (လူကီးမီးယား) တွေ။ တနေရာမှာဖြစ်နေတဲ့ ကင်ဆာ နောက်တနေရာကို ပြန့်ရင် ဖျားတတ်တယ်။

No. 6 - Weight Loss Without Trying ကိုယ်အလေးချိန် ကျလာသလား

တမင်တကာ ပိန်အောင် လုပ်တာမဟုတ်ဘဲ ကိုယ်အလေးချိန် ကျလာတယ်ဆိုရင် သတိထားပါ။
No. 7 - Gnawing Abdominal Pain and Depression ဗိုက်နာပြီး စိတ်ဓါတ်ပါ ကျလာသလား

ဒါဆိုရင် ဆေးစစ်ပါ။ Jaundice အသားဝါတာကော ရှိသလား။
No. 8 - Fatigue (Physical or Mental) စိတ်ရော လူပါ အားကုန်နေသလား

ယောက်ျားတွေမှာ အဲလိုဖြစ်တာဆိုရင် ကင်ဆာ နဲ့ ဆိုင်နေတတ်တယ်။
ဥပမာ Leukemia (လူကီးမီးယား)၊ Colon cancer အူမကြီး-ကင်ဆာ၊ Stomach cancer အစာအိမ်-ကင်ဆာ။

No. 9 - Persistent Cough ချောင်းဆိုးနေတာ မပျောက်နိုင်ဖြစ်နေသလား
ရက် ၃ ပါတ်ကြာတဲ့အထိ ချောင်းဆိုး မပျောက်ရင် ဆရာဝန်ပြပါ။ အအေးမိ၊ တုပ်ကွေးစတဲ့ ဗိုင်းရပ်စစ် ဝင်တာ၊ တချို့ဆေးတွေ သောက်ရတာကြောင့် ချောင်းဆိုးနိုင်ပါတယ်။ ဒါပေမဲ့ ဒါတွေကြောင့်က မကြာခင် ပျောက်သွားမယ်။ Chronic bronchitis နာတာရှည် လေပြွန်ရောင်တာ၊ Acid reflux အက်စစ်ရည် အထက်ဆန်တာ မဟုတ်ရင် ကင်ဆာ မဟုတ်တာ ဖယ်ထုတ်ဘို့ ဆေးစစ်ရမယ်။

No. 10 - Difficulty Swallowing အစာမျိုချတာ ခက်လာသလား

အစာမာဖြစ်ဖြစ် အရည်ဖြစ်ဖြစ် မျိုချဘို့ ခက်လာတာ ကင်ဆာမဟုတ်တာ သိအောင်လုပ်ရမယ်။ Dysphagia ခေါ်တယ်။ Cancer of the esophagus အစာမျိုပြွန်-ကင်ဆာဖြစ်ရင် အဲလိုဖြစ်လာတယ်။

No. 11 - Changes in the Skin အရေပြား အပြောင်းအလဲတွေ သတိထားပါ

အရောင် ကွဲပြား၊၊ အပါး-အထူ မတူဖြစ်လာသလား။ သွေးထွက်လွယ်လာသလား။ ငယ်ကတည်းကရှိနေတဲ့ မှဲ့က တမျိုးတမည် ဖြစ်လာသလား။

No. 12 - Blood in Sputum, Stool or Urine သလိပ်ထဲ၊ ဆီးထဲ၊ ဝမ်းထဲမှာ သွေးပါလာသလား
ချောင်းဆိုးရင်း သွေးပါသလား။ သွေးက တခါတလေ ချောင်းဆိုးရဖန်များလို့ မဆိုစလောက်ပါတာမျိုးက မဆိုးပါ။ သလိပ်နဲ့ ရောပါနေရင် TB တီဘီ မှ မဟုတ်ပါ Lung cancer အဆုပ်-ကင်ဆာကနေလဲ လာနိုင်တယ်။ ဆီးသွားတဲ့ထဲမှာ သွေးပါနေတာဟာ ကျောက်ကနေသာ မဟုတ်ပါ ကင်ဆာကနေလဲ လာနိုင်တယ်။ ဝမ်းထဲသွေးပါတာက ဝမ်းကိုက်တာ၊ နဲ့ လိပ်ခေါင်းကနေ မဟုတ်ရင် ရောဂါကြီးဖြစ်နေနိုင်တယ်။

No. 13 - Mouth Changes ခံတွင်းမှာ အပြောင်းအလဲတွေ ရှိနေသလား
ပါးစပ်မှာ အနာပေါက်တာ တော်တော်နဲ့ မပျောက်ဖြစ်နေသလား။ ဆေးလိပ်သောက်သူ၊ ဆေးငုံသူတွေဆိုရင် ပိုသတိထားပါ။ ပါးစောင်နေရာ လျှာတွေမျာ ထူးခြားတာ ရှိလာရင် ဆရာဝန်ပြပါ။ ဖြူလာတာမျိုးကို Leukoplakia ခေါ်တယ်။ ကင်ဆာ မဖြစ်ခင်အဆင့်လို့ သတ်မှတ်တယ်။

No. 14 - Urinary Problems ဆီးပြဿနာရှိ ပါသလား
ဆီးခဏခဏ သွားလာရတယ်။ ဆီးထွက်ဘို့ ကြာနေတယ်။ မတ်တပ်ရပ်ရင်း ဆီးသွားတော့ ခြေထောက်လာစိုနေတာ၊ ဆီးသွားရတာ အားမရဖြစ်တာ၊ စတာတွေရှိရင် ဆရာဝန်ပြပါ။ “မိန်းမ မီး၊ ယောက်ျား ဆီး” ဆိုသလို အသက်ရလာတာနဲ့ ယောက်ျားတွေမှာ ဆီးပြဿနာ ရှိလာတတ်တယ်။ အများဆုံးဖြစ်တတ်တဲ့ Benign prostatic hyperplasia (BPH) ဆီးကျိတ်ကြီးတာကတော့ ကင်ဆာ မဟုတ်ပါ။

No. 15 - Indigestion အစာမကျေတာ ဖြစ်ပါသလား

တခါတလေဖြစ်တာကိစ္စမရှိပါ။ ဆက်တိုက်ဖြစ်နေရင် ဆင်ခြင်ရတော့မယ်။ အစာမကျေတာကို တချို့က Heart attack နှလုံး (အတက်ခ်) ရတယ် ထင်ကြတယ်။ အစာမကျေတာက ဆက်တိုက်လိုဖြစ်လာရင် အစာမျိုပြွန်၊ လည်ချောင်း နဲ့ အစာအိမ် ကင်ဆာတွေကနေလဲ ဖြစ်နိုင်တယ်။

Dr. တင့်ဆွေ
၁၁-၄-၂ဝ၁၂