Melasma (2) တင်းတိပ် (၂)

Mon, May 21, 2012 at 7:44 PM
အမည် (့)၊ အသက် ၃၅၊ နေရပ် (့)၊ အိမ်ထောင် မရှိ၊ လိမ်းဆေး SKII Facial Treatment Repair C, Vitra_X Lightening Cream, Kawaii Tokyo (Sun Block SPF 50)

ကျွန်မရဲ့မျက်နှာမှာ တင်းတိတ်များရှိနေတာ ၂ နှစ်ခန့်ရှိပါပြီ။ အရင်ကတော့ Skin care တွေသုံးနေပါတယ်ရှင့်။ နဲနဲ သက်သာသလို ရှိလာပါတယ်။ ဒါပေမယ့် အရှင်းမပျောက်သေးပါ။ ပျောက်ချင်ဇောနဲ့ လေဆာ Treatment ကို သွားလုပ်ခဲ့ပါတယ်။ နှစ်ပတ်ခြားတစ်ခါ ဖေဖဝါရီလမှာ စပြီးလုပ်ခဲ့ပါတယ်။ (့) မှာရှိတဲ့ (့) ဆီမှာ လုပ်ခဲ့ပါတယ်။ ၂ ကြိမ်လောက် လုပ်ပြီးတဲ့အချိန်မှာ ပိုပြီးမည်းလာမယ် ကြီးလာမယ်လို့ ပြောပါတယ်။ တကယ်လည်း မည်းလာပါတယ်။ ပြီးရင်တော့ ပြန်ပြီး မှိန်သွားပါလိမ့်မယ်လို့ ပြောပါတယ်။ အခု (၄) ကြိမ်မြောက်လုပ်ပြီးတဲ့ အချိန်မှာ မျက်နှာက ပိုပြီး မည်းလာပါတယ်။ လေဆာ မလုပ်ခင်ကထက် ပိုပြီး ဆိုးလာပါတယ်။ နောက်ထပ် ထပ်ပြီး လုပ်ရမယ်လို့ ပြောပါတယ်။ တကယ်များ မပျောက်ခဲ့ရင် ပိုမည်းလာမလား၊ ပိုဆိုး လာမလား စိတ်ပူပါတယ်။ ဆရာရဲ့ BLOG က တင်းတိတ်နဲ့ အမည်းစက်ကို ကျွန်မ ဖတ်ပြီးပါပြီ။ ကျွန်မသိချင်တာက ၁။ လေဆာက အချိန်ဘယ်လောက်ကြာကြာ ကုသရပါသလဲ။ ၂။ တကယ်ပဲ (၁ဝ-၁၅)ကြိမ်လောက် လုပ်ရပါသလား။ ၃။ အကယ်၍ ဆက်ပြီးမလုပ်ပဲ နေရင်ရော တစ်ခြား ဘေးထွက် ဆိုးကျိူးများ ရှိနိုင်သလား။ ကျွန်မရဲ့ လေဆာနည်း မသုံးခင်နဲ့ သုံးပြီးပုံကို ထည့်ပေးလိုက်ပါတယ်ရှင့်။

Melasma တင်းတိပ်ကို ကုသဘို့ အများဆုံး သုံးတာက လိမ်းဆေးနည်း၊ ဓါတုဆေးနဲ့ အပေါ်ယံခွာထုတ်နည်း၊ အနုနည်းနဲ့ အပေါ်ယံခွါနည်း နဲ့ လေဆာနည်းတွေ ဖြစ်ကြတယ်။ လေဆာဟာ ဦးစားပေးနည်း မဟုတ်ပါ။

လိမ်းဆေးထဲမှာ (၁) 2% Hydroquinone (HQ) creams ကိုအများဆုံးသုံးတယ်။ ဆေးနာမည်တွေက Esoterica နဲ့ Porcelana ဖြစ်တယ်။ Obagi Clear, Glyquin, Tri-Luma နဲ့ Solaquin တွေက 4% creams ဖြစ်တယ်။ အရောင်ရင့်တဲ့ နေရာကို တနေ့ ၂ ကြိမ်လိမ်းရတယ်။ ညနေခင်းမှာ ဆေးပေါ်ကနေ Sunscreen လိမ်းသင့်တယ်။ ဒီဆေးနည်းက Epidermal type အမျိုးအစားဆိုရင် ပိုကောင်းတယ်။

(၂) နောက်လိမ်းဆေး တမျိုးကတော့ Hydroquinone, Azelaic acid, and Retinoic acid (Tretinoin) တွေ ရောထားတာ ဖြစ်တယ်။ (2% Kojic acid in a gel containing 10% Glycolic acid and 2% Hydroquinone) ၃ မျိုးရောထားတာလဲရှိတယ်။

(၃) ဆိုးတဲ့ တင်းတိပ်ကို HQ % များများနဲ့ Tretinoin + Corticosteroids + Glycolic acid တွေရောထားတဲ့ဆေးမျိုး သုံးနိုင်တယ်။

(၄) Fluocinolone acetonide/Hydroquinone/Tretinoin ခေါ်တဲ့ဆေး ၃ မျိုးတွဲလိမ်းဆေးကို Tri-Luma, Triglow နာမည်တွေနဲ့လာတယ်။
• Melasma တင်းတိတ်အတွက်သုံးတယ်။
• Tretinoin ဆေးမှာ ဗီတာမင် (အေ) ပါတယ်။ နေလောင်လို့ အရေပြားပျက်စီးတာကို သက်သာစေမယ်။ ဝက်ခြံအတွက်လဲ သုံးတယ်။ အရေးအကြောင်းတွေလဲ သက်သာစေတယ်။
• ဆိုးကျိုးအနေနဲ့ အရေပြား အနေရခက်ပြီး ကွာကျတတ်တယ်။
• Hydroquinone ဆေးကတော့ အရောင်ပြာင်းသွားတဲ့နေရာကို သက်သာစေမယ်။ ဂရုတစိုက်တော့ လိမ်းရပါမယ်။ skin bleaching agent အရေပြားချွတ်ဆေးလို့ခေါ်ကြတယ်။ ဆေးဖြတ်လိုက်ရင် နဂိုသဘောပြန်ဖြစ်ပါတယ်။
• Fluocinolone Acetonide ဆေးကတော့ (ကော်တီကိုစတီရွိုက်) ဖြစ်တယ်။ အရောင်လျှောစေမယ်၊ ယားတာ သက်သာမယ်၊ သွေးကြောတွေကျဉ်းစေမယ်။
• ဒီလိုလူတွေမှာ မသုံးရပါ။ Hypersensitivity ဆေးတွေနဲ့မတည့်သူ၊ မျက်စိမှာ ဗိုင်းရပ်စ်ဝင်နေသူ၊ herpes simplex keratitis, vaccinia, and varicella, mycobacterial infections of the eye and fungal diseases of ocular structures မျက်စိရောဂါတွေကို မသုံးရပါ။
• တနေ့မှာ ၂-၄ ကြိမ်လိမ်းပါ။ ၃-၆ လအထိကြာနိုင်တယ်။ နောက်ပိုင်းမှာ တပတ် ၃ ကြိမ်သာလိမ်းခိုင်းတယ်။ မျက်နှာ၊ ပေါင်ခြံ၊ ချိုင်းနေရာတွေဆိုရင် ဆရာဝန်ကမညွှန်ဘဲ မလိမ်းသင့်ပါ။ မျက်စိထဲမဝင်စေရ။ ဆေးအထူကြီး မလိမ်းရ။ လိုအပ်ရင် ဆေးလိမ်းပြီး အပေါ်ကဖုံးထားရမယ်။

• လိမ်းဆေးထဲမှာ ဒုတိယသုံးတာက Azelaic acid (Azelex, Finacea) ဖြစ်တယ်။ 15%-20% ကိုသုံးတယ်။ ယားနာ၊ နီတာ၊ အပေါ်ရေကွာတာလောက်သာ ဘေးထွက်-ဆိုးကျိုးရှိတယ်။ ၁၄-၃ဝ ရက်အကြာမှာ သက်သာလာမယ်။

• Tretinoin cream (Retin A, Renova, Retin A Micro) ကိုလည်းသုံးပါတယ်။ Azelaic acid နဲ့ Hydroquinone တွေနဲ့ တွဲသုံးတာ များတယ်။ အပေါ်ယံအရေပြားကွာတာ၊ အရေပြားခြောက်သွေ့တာ၊ အနေရခက်တာတွေ ခံစားရနိုင်တယ်။
• တခြား Retinoid creams တွေကတော့ Tazaratone and adapelene တွေဖြစ်တယ်။

• Tri-Luma ဆေး ၃ မျိုးတွဲဆိုတာ (Fluocinolone acetonide 0.01% + Hydroquinone 4% + Tretinoin 0.05%) ၃ မျိုး ရောထားတာဖြစ်တယ်။ ၆-၈ ပါတ်အထိသုံးရတာများတယ်။ ဆရာဝန်က မခိုင်းဘဲ ဒိထက်တော့ ပိုမသုံးသင့်ဘူး။ ကိုယ်ဝန်ဆောင်ချိန်နဲ့ နို့တိုက်ချိန်မှာ မသုံးသင့်ပါ။
• Kligman formula ဆိုတာ (Fluocinolone acetonide 0.01% + Hydroquinone 8% + Tretinoin 0.1%) ဖြစ်တယ်။
• Sun protection factor (SPF) နေ့စဉ် နေရောင်ကာကွယ်နည်းဖြစ်တယ်။ ဖြစ်နေတဲ့နေရာကို Zinc oxide နဲ့ Titanium dioxide ဆေးတွေနဲ့ဖုံးပေးပြီး နေရောင်ထဲက UV rays (UV-A and UV-B) ကို ကာကွယ်ပေးတယ်။

နောက်ကုသနည်းတွေကတော့ Chemical peels (Chemical exfoliation) ဓါတုဆေးနဲ့ အပေါ်ယံခွာထုတ်နည်း၊ Microdermabrasion (Mechanical exfoliation) အနုနည်းနဲ့ အပေါ်ယံခွါနည်း နဲ့ Laser therapy လေဆာနည်းတွေ ဖြစ်တယ်။ Chemical peels နည်းမှာ 30%-70% Glycolic acid peels ကိုသုံးတာများတယ်။ တချို့က 10% Glycolic acid and 2% HQ တွေရောသုံးတယ်။ Microdermabrasion နည်းကတော့ Vacuum suction လေဟာနယ်စုပ်နည်းနဲ့ Diamond chips ဖြစ်ဖြစ် Aluminum oxide crystals ဖြစ်ဖြစ်သုံးပြီး ခြစ်ထုတ်ပေးတယ်။

Lasers work လေဆာနည်း
ကျွန်တော်က လေဆာအထူးကု မဟုတ်သလို အရေပြားအထူးကုလည်း မဟုတ်ပါ။ သိသလောက်ပြောရရင် တင်းတိပ်ကို လေဆာနည်း သုံးချင် သုံးနိုင်ပါတယ်။ လေဆာနည်းဟာ တင်းတိပ်အတွက် အဓိကထားသုံးတဲ့ ကုသနည်းတော့ မဟုတ်ပါ။ လေ့လာမှုတွေအရ ရလဒ် အကောင်းချည်း မဟုတ်တာ တွေ့ရတယ်။ တချို့မှာ နည်းနည်းကောင်းလာတယ်။ တချို့ မထူးတာလဲ ရှိတယ်။ ကုသမှုခံယူနေရင်း ဆိုးလာတတ်တယ်။ သိသာတဲ့ရလဒ် မြင်လာအောင် ကြိမ်ဖန် များစွာလုပ်ဘို့ လိုနိုင်တယ်။ ဆေးကုနေရင်း ပြန်ဖြစ်တာမျိုး ဆိုရင်တော့ လေဆာနည်း သုံးသင့်တယ်။ ဆက်မလုပ်လို့ ပိုဆိုးစေမယ်လို့ မယူဆပါ။

တင်းတိပ် အချုပ် -
• အသက် ၂ဝ-၅ဝ အရွယ် အမျိုးသမီးတွေမှာ အဖြစ်များတယ်။
• အရောင်ညိုနေမယ်။ ခပ်ပြာပြာ၊ မီးခိုးရောင်လဲ ရှိတယ်။
• မျက်နှာ အလည်ခေါင်၊ ပါးရိုးနဲ့ မေးရိုးတွေမှာ အဖြစ်များတယ်။
• နေရာင်၊ မျိုးရိုး၊ ဟော်မုန်း အပြောင်းအလဲတွေကြောင့် ဖြစ်စေတယ်။
• Hydroquinone ဆေးကို အများဆုံး သုံးတယ်။
• နေရောင်ဒဏ်ကနေ ကာကွယ်တာ ကောင်းစေတယ်။
• သူ့အလိုလိုပျောက်နိုင်တာလဲ ရှိတာသတိပြုပါ။
• Sunscreen လိမ်း၊ နေရောင်မထိအောင် ရှောင်နေတာနဲ့ ပြန်ကောင်းတာရှိတယ်။
• ကိုယ်ဝန်ဆောင်ပြီး ကလေးမွေးတာနဲ့ ပျောက်သွားတယ်။ တချို့မှာ ကိုယ်ဝန်တာဆေး ဖြတ်တာနဲ့ ပြန်ကောင်းတယ်။
• ကိုယ်ဝန်ဆောင်နေချိန်၊ ကလေးနို့တိုက်နေချိန်တွေမှာ တင်းတိပ်ကို ဆေးမကုဘဲနေသင့်တယ်။
• ဆေးကုနည်းတွေက အရာရာကို အာမမခံနိုင်ပါ။ ကုသနေရင်း ပိုဆိုးလာတာလဲ ဖြစ်တတ်တယ်။

Dr. တင့်ဆွေ
၂၂-၅-၂ဝ၁၂